Pieter Groenewald, minister van korrektiewe dienste, het in reaksie op ‘n parlementêre vraag en antwoordsessie gesê dat die behoefte om die nasionale bedspasiekapasiteit te vergroot aandag geniet deur die konstruksie van nuwe fasiliteite, die opgradering van verouderde fasiliteite, die herwinning van verlore bedspasie en die opknapping van vervalle bedruimte. fasiliteite uit befondsing van die Nasionale Tesourie.
Van September 2023 tot Julie 2024 het die land se bedspasiekapasiteit met 2 700 tot 107 346 beddens in totaal toegeneem.
Nietemin beteken die gemiddelde oorbevolkingsyfer van ongeveer 46% dat daar ‘n dringende behoefte is om ‘n totaal van 50 000 bedspasies te bou.
Die volgende korrektiewe sentrums is in die werke om oorbevolking aan te spreek:
- Burgersdorp: Die projek vir die bou van ‘n 500-bed Korrektiewe Sentrum by Burgersdorp is in April 2022 aan ‘n kontrakteur oorhandig, en dit sal na verwagting gedurende 2026 afgehandel word.
- Parys: Die konstruksiekontrak is gedurende Februarie 2023 beëindig, weens swak prestasie van die kontrakteur. Die Ontwikkelingsbank van Suider-Afrika (DBSA) het in Desember 2023 ’n vervangingskontrakteur aangestel. Die perseel is oorhandig en die verwagte voltooiingsdatum is 2026.
Of die addisionele tronke en bedspasie die omvang van smokkelary binne die fasiliteite sal kan aanspreek is egter ‘n ope vraag.
Daar is die afgelope jaar ongeveer 1 000kg dwelmmiddels in tronke gekonfiskeer, meer as 41 000 selfone, 11 000 wapens, R200 000 kontant en meer as 250liter alkohol. Hierdie verbode items stap nie net ‘n tronk binne die – dit word toegelaat en daar is groot druk of Departement Korrektiewe Dienste om hierdie probleem aan te spreek.
‘n Maand gelede is 80 Korrektiewe personeel in Limpopo dissiplinêr aangekla vir moontlike betrokkenheid om die verbode middels toe te laat. In ag genome die groot hoeveelheid verbode items wat genoem is, blyk dit net die punt van ‘n berg te wees.
Die lewe van die misdadiger blyk nie tot stilstand te kom wanneer seldeure agter hom toegaan nie, dis net gratis verblyf met die las op die skouers van belastingbetalers en ‘n voortsetting van hul kriminele aktiwiteite.
