Advokaat Norman Arendse, wat Jordaan en Hluyo verteenwoordig het ‘n kostebevel aangevra omdat die saak sloer. As alternatief ht hy versoek dat die saak van die rol geskrap word tydens die hofverskyning Dinsdag van die beskuldigdes.
Die prokureur het ook verwys na twee aaneenlopende aansoeke voor die Noord-Gautengse hooggeregshof in Pretoria.
Die eerste poog om die lasbriewe van inhegtenisneming wat op 4 April uitgereik is tersyde te stel, en beweer dat die ondersoekbeampte versuim het om sekere inligting bekend te maak toe hy die lasbriewe van ‘n landdros verkry het.
Arendse het beweer die polisie het eers meer as drie maande laat op dié aansoek gereageer en aangevoer dat die saak waarskynlik nie tot die derde of vierde termyn van die regbank volgende jaar aangehoor sal word nie weens ‘n oorbelaste hofrol.
“Hierdie vervolging kan nie voortgaan totdat daardie saak beslis is nie.”
Staatsaanklaer Moagi Malebati het die verdediging gekritiseer omdat hulle op die meriete van die saak ingegaan het.
“Die applikante se daad om in hierdie stadium in die meriete te delf, is ‘n duidelike taktiek wat daarop gemik is om die hof te verwar, sowel as ‘n taktiek om die verhoorprosedure te omseil.
“Die applikante word uitgedaag om die behoorlike verhoor van die saak toe te laat waarin hulle ruim geleentheid sal hê om die staat se getuienis te toets en te weerlê. Dit is ‘n futiele oefening om die staat se getuienis in hierdie stadium aan te val,” het hy gesê.
Landdros Sheron Soko-Rantao het die artikel 342(a)-aansoek van die hand gewys en beslis dat die hof nie jurisdiksie het nie.
“Om hierdie afdeling op hierdie verrigtinge toe te pas, beteken dat die twee hooggeregshofsake waarna beskuldigdes een en drie verwys, nie in hierdie forum is nie. Wat ook al hierdie hof vertraag, moet op hierdie forum betrekking hê,” het sy beslis.
Die staat se aansoek om Arendse van die saak te laat onttrek weens beweerde botsing van belange is vroeër deur die landdros van die hand gewys.
Die saak is tot 7 Februarie 2025 uitgestel.
Jordaan het aangedui dat hy nie sal uitttree by Safa nie.
