Die Bronkhorstspruit-polisie het Hoërskool Erasmus in Bronkhorstspruit op 8 Mei besoek om leerders vir dwelms en onwettige voorwerpe te deursoek en hulle te waarsku om nie ander te boelie nie.
Die sigbare polisiëringsbevelvoerder, kolonel Sibonisile Mlaba, het saam met die departemente van onderwys en gemeenskapsveiligheid die soektog gedoen, waartydens beslag gelê is op vier vapes en ‘n dagga joint.
Die polisie het aan die leerders verduidelik dat skole sulke items verbied. Hoërskool Erasmus het na bewering ‘n ernstige boelieprobleem.
Die polisie vra dat ouers afknouery met hul kinders by hul huise bespreek.
Erasmus sal dissiplinêre verhore hou teen die leerders wat met die gekonfiskeerde items gevind is.
