JOHANNESBURG – Die nasionale eenheid vir vervalste goedere het op Donderdag, 13 Junie 2024 nog ‘n geïntegreerde verwyderingsoperasie in Rahima Moosastraat, Johannesburgse middestad gelei in ‘n gesamentlike poging om die onwettige handel in nagemaakte goedere te ontwrig en op te skort.
Die operasie het gelei tot die beslaglegging van meer as 7 000 vervalste items met ‘n geraamde waarde van R6,6 miljoen. Hierdie items wat bekende handelsmerke naboots, sluit in skoene, klere, handsakke, pette, parfuums, skoonheidsmiddels en rugsakke.
Die polisie het ook beslag gelê op naaimasjiene, ‘n omkapmasjien, bosseleermasjien, ‘n warmpers en ‘n groot hoeveelheid etikette van bekende handelsmerke. Dit is die grootste vervalste vervaardigingsaanleg wat die afgelope jaar gevind is.
Die span het bestaan uit lede van SAPD, amptenare van die Suid-Afrikaanse Inkomstediens (SAID), Gauteng Verkeersafdeling, Johannesburg Noodbestuursdienste (EMS), Handelsmerkbeskermers, Misdaadvoorkomingsbewaarders en privaat sekuriteitsmaatskappye.
Minder as ‘n week gelede het die span tydens ‘n soortgelyke verwyderingsoperasie beslag gelê op vervalste goedere met ‘n geraamde waarde van R5,8 miljoen; ook binne die Johannesburgse middestad.
