Mediaverklaring – Suid-Afrikaanse Polisiediens
TUINROETE-DISTRIK – Knysna-polisie soek die hulp van die publiek in die soektog na Gert Hills (81) van Cemdebo-laan, Old Place in Knysna, wat op Vrydag 18 Julie 2025 deur sy vrou as vermis aangemeld is.
Voorlopige inligting dui daarop dat die man sy woning op Vrydag 18 Julie 2025 omstreeks 12:00 verlaat het om items in die dorp te koop, maar hy het nooit teruggekeer nie. Hy was geklee in ‘n swart top en sybroek ten tyde van sy verdwyning en het ‘n silwer Nissan Juke met registrasienommer CX14 107 bestuur. Die voertuig is Vrydagaand by Klein Brakrivier tussen George en Mosselbaai opgemerk.
‘n Soektog in die gebied in en om Klein Brakrivier sowel as die Robinsonpas is aan die gang.
Enigiemand met inligting wat kan lei tot die veilige terugkeer van die vermiste persoon word versoek om die ondersoekbeampte, adjudant-offisier James Visagie, by 073 244 6154 of Crime Stop by 08600 10111 te kontak.
