Bergrivier Munisipaliteit se voormalige hoofkredietbestuurder, Pieter Jacobus Adams, is in die Bellville-handelsmisdaadhof op 435 aanklagte van bedrog skuldig bevind.
Die Nasionale Vervolgingsgesag (NVG) het gesê Adams is tot 10 jaar direkte gevangenisstraf gevonnis met 6 jaar wat vir 5 jaar opgeskort is.
“Dit het toe ‘n beslagleggingsbevel ter waarde van sy volle pensioen van meer as R500 000 toegestaan wat aan die Bergrivier-munisipaliteit oorbetaal moet word,” het Eric Ntabazalila, Wes-Kaapse NVG-woordvoerder, verduidelik.
Adams het 17 jaar by die munisipaliteit gewerk. Hy het vanaf 1 Julie 2002 as kredietkontroleur gewerk totdat hy op 25 November 2019 bedank het.
Die NVG het gesê Adam se pligte het die uitreiking van (gratis) vervanging van elektrisiteitsbewyse ingesluit ten opsigte van meters wat vervang is en steeds eenhede op die meter het.
“Hy was ook in beheer van die indiening van enige meeteenhede waaraan daar vermoedelik gepeuter is aan die water/elektrisiteitsdepartement vir verdere ondersoek, drukbewyse wat deur die elektrisiteitsdepartement benodig word, soos kraglimiete, sleutelveranderings en gratis kwessies.”
In September 2019 het die munisipaliteit ontdek die beskuldigde se voorafbetaalde elektrisiteitsmeter vervang en verander is na ‘n behoeftige tarief, en die beskuldigde het uitreiking goedgekeur en laat uitreik.
“Hy het dit nie aan sy direkte bestuurder gerapporteer nie. Dit het gelei tot ‘n interne ondersoek wat aan die lig gebring het dat hy vanaf Maart 2016 tot September 2019 gratis elektrisiteitsbewyse uitgereik het op voorafbetaalde meters wat nie vervang is nie.
“Die ondersoek het ook aan die lig gebring dat gratis elektrisiteitsbewyse maandeliks aan dieselfde voorafbetaalde meters uitgereik is.”
Die hof het gehoor dat Adam hierdie gratis elektrisiteitsbewyse buite normale en binne normale kantoorure uitgereik het.
Die Bergrivier-munisipaliteit het skade van R1 310 507,40 gelei weens die ongeruimhede.
“Sy bedrog het ’n enorme finansiële impak op Bergrivier-munisipaliteit gehad, wat die reputasie van die munisipaliteit en die vertroue wat die publiek in hulle gehad het om doeltreffendheid in goeie bestuur, aanspreeklikheid, finansiële volhoubaarheid en dienslewering te verseker, beïnvloed.
