Die brand vroeër vanjaar by die Nasionale Petroleumraffinadery van Suid-Afrika het nou ‘n reuse jaagtog teen tyd vir OR Tambo Lughawe tot gevolg.
Die Lughawensmaatskappy van Suid-Afrika (ACSA) het bevestig dat hy daaraan werk om genoeg vliegtuigbrandstof vir Februarie te verseker om enige vlugontwrigting by die OR Tambo Internasionale Lughawe (ORTIA) te versag. ACSA het gesê hy kon voortgesette brandstofvoorsiening vir Januarie verseker, ná ‘n brand by die Nasionale Petroleumraffinaderyer van Suid-Afrika (NATREF) vroeër vanjaar.
“ORTIA het tans 27,1 miljoen liter vliegtuigbrandstof beskikbaar. Die lughawe gebruik tans sowat 3,6 miljoen liter vliegtuigbrandstof per dag wat beteken dat daar sowat 7,6 dae se voorraad beskikbaar is tot die week wat op 2 Februarie eindig,” het ACSA gesê.
Die Brandstofbedryfsvereniging van Suider-Afrika (FIASA), NATREF-industrievennote en regeringsagentskappe, insluitend ACSA, werk saam met die Sentrale Energiefonds, Strategiese Brandstoffonds, Departement van Minerale en Petroleumhulpbronne, Transnet-pypleidings, Transnet Freight Rail en ander staatsbesit energiemaatskappye om vliegtuigbrandstof vir Februarie te vind.
ACSA het gebeurlikheidsplanne in plek gestel soos om brandstof by ander lughawens te verkry via tenkwaens om brandstofbehoeftes te bestuur.
“Ons betrek alle belanghebbendes om die tekort wat deur die NATREF-brand veroorsaak is, te hanteer en brandstofreserwes op te bou; ons het Transnet versoek om die beweging van brandstofvoorraad van Durban na Gauteng te prioritiseer sodra ingevoerde volumes aankom en in samewerking met die brandstofbedryf werk ons daaraan om meer voorraad op te bou by King Shaka Internasionale Lughawe wat hoër brandstofkapasiteit as sy daaglikse verbruik het,” het ACSA gesê.
CSA het gesê vir gladde verbinding tussen vlugte, moet passasiers genoeg tyd toewys tussen die aankoms en vertrek van die volgende vlug.
“Elke lugredery stel minimum verbindingstye by elke lughawe vas. Binnelandse vlugte neem gewoonlik ‘n uur om by ‘n ander vlug aan te sluit. Internasionale vlugte neem langer as gevolg van immigrasie, doeanevereistes. Groter lughawens sal ‘n langer tyd as klein lughawens verg,” het ACSA gesê.
