‘n Gesteelde vuurwapen, dwelms en kontant is by die werker se huis in The Bluff en sy kantoor by eThekwini Munisipaliteit beslag gelê.
Die beskuldigde, Patrick Vernon Mackay (51), is Donderdag by sy huis op The Bluff, Durban, in hegtenis geneem. Die polisie het na bewering “rock”-kokaïen, kokaïenpoeier, Mandrax en nagenoeg R20 000 kontant by die woning gevind.
Kol. Robert Netshiunda, polisiewoordvoerder in Natal, sê beamptes van die provinsiale dwelm- en vuurwapeneenheid het na aanleiding van inligting opgetree en met ‘n deursoekingslasbrief ‘n klopjag by Mackay se huis uitgevoer.
“’n Visielasbrief is uitgevoer in The Bluff area, by ‘n woning van die verdagte wat ‘n werknemer van die eThekwini Munisipaliteit is. Tydens die klopjag het die polisie dwelms soos “rock”-kokaïen, kokaïenpoeier, Mandrax en byna R20 000 kontant gekry. Ondersoeke het na sy kantoor gelei, waar “rock”-kokaïen gevind is. Die vuurwapen wat in sy besit gevind is, is as gesteel aangemeld tydens ‘n gewapende rooftog in Wentworth in Junie 2024,” verduidelik Netshiunda.
Mackay is in aanhouding en sal Vrydag in die hof verskyn vir ‘n borgtogaansoek.
