WES-KAAP – ‘n Intelligensie-gedrewe operasie uitgevoer deur lede verbonde aan Kuilsrivier Veediefstal- en Bedreigde Spesies-eenheid in samewerking met die Departement van Bosbou, Visserye en Omgewingsondersoekeenheid het gelei tot die arrestasie van ‘n Zimbabwiese burger (38) en ‘n Malawiese (34) burger vir die besit van perlemoen op Woensdag, 13 November 2024.
Die lede het inligting ontvang van ’n vragmotor wat met perlemoen gelaai is wat vir Gauteng bestem is. Die lede het die inligting geoperasionaliseer en die geïdentifiseerde vragmotor in die Wellington-nywerheidsgebied gevind. Die vragmotor is deursoek en perlemoen wat 567,40 kilogram weeg wat in swartsakke versteek is, is in die vragmotor gevind.
Verdere ondersoeke het die lede na ‘n Volkswagen Caddy gelei waar die lede perlemoen met ‘n gewig van 463,89 kilogram in die voertuig gevind het. Die geraamde straatwaarde van die perlemoen is R7 miljoen.
Die verdagtes moet op Vrydag, 15 November 2024 in die Wellington-landdroshof verskyn op die genoemde aanklagte.
