Vyf maande nadat ‘n Kaapse vrou deur ‘n polisievangwa omgestamp is, sê die SAPD hy ondersoek steeds die saak. Intussen sê Nolwazi Tokhwe sy het haar werk verloor en haar lewe het dramaties versleg, berig GroundUp.
Tokhwe het in Maart van haar huis in Capricorn gestap om jonger familielede by ‘n besige straatpartytjie in Bergstraat te gaan haal. Toe sy aankom, het sy ‘n chaotiese toneel gevind met jongmense wat geskarrel het terwyl die polisie probeer het om hulle uiteen te jaag.
Tokhwe sê sy was op die punt om in die donker die pad oor te steek toe ’n polisievangwa “vanuit nêrens” aangejaag het, haar omgestamp en glo oor haar regterarm gery het. Ooggetuies het aan GroundUp gesê dat die beampte, wat aan Tokhwe bekend is, nie gestop het om te help of na haar toestand te kyk nie.
Sy het ‘n gebreekte bekkenbeen en ‘n gebreekte ruggraat opgedoen.
