Voormalige kampioen maak sy stal kleiner – maar nie die wengeld nie.
Mike de Kock het die reg verdien om ‘n bietjie te spog. Op sy webwerf vandeesweek som die speialis-afrigter die onlangs afgehandelde 2023/24-renseisoen op en wys daarop dat sy stal die hoogste gemiddelde verdienste per hardloper in die land oor die 12 maande gehad het – R31 260.
De Kock het vierde geëindig in die nasionale afrigterskampioenskap, agter die veelvoudige kampioen Justin Snaith, Sean Tarry en Brett Crawford, wat almal baie meer renperde ingespan het. Hy het wengeld van R17,6 miljoen ingesamel, saam met 78 wenners teen ‘n 14% trefkoers.
Suid-Afrika se internasionaal bekende opknapper het die reg verdien om ook ‘n bietjie van die daaglikse arbeid te ontspan, ná dekades van veldtogte op verskeie fronte met honderde renne.
Hy het die grootte van sy stal verklein tot wat hy noem “‘n boetiekstring van ongeveer 60 perde” – die kleinste brigade sedert hy in 1989 begin het.
Hierdie afsny het nie veel aan die gehalte of doeltreffendheid van die De Kock-operasie verander nie – soos bewys deur verlede seisoen se ses graad 1-wenners, wat die webwerf uitwys as sy beste opbrengs sedert 2015.
Dave The King
Hoogtepunte was die suksesse van die onoorwonne merrie Gimme A Nother en die hard hardloper reun Dave The King.
Gimme A Nother – wat uitgevoer is om haar wedervaringe in die VSA voort te sit – het sewe wedrenne van tussen Oktober 2023 en April 2024 gewen. Haar oorwinnings het die Graad 1 Wilgerbosdfrift SA Classic en die Graad 1 Empress Club Stakes ingesluit.
De Kock het Snaith gelukgewens met sy triomf: “Justin en sy gesin bestuur ‘n wêreldklas-operasie en hul voortgesette sukses spreek boekdele. Ek gaan voort om ons wedywering te geniet.”
Oor die 2024/5-seisoen het hy gesê: “Die string sal in getalle beperk bly … en ons sal ‘n teenwoordigheid in Gauteng en Durban hê.
“Daar is ‘n paar jong hardlopers wat in die Hoëveldse lente en somer deur die geledere sal kom, maar Dave The King sal die hoofpyl in ons boog wees. Hy het in ‘n hoëklas-optreder ontwikkel, en dit is moeilik om te dink dat hy beter word, maar jy weet nooit. Sy mikpunt sal die 2025 King’s Plate wees, met die Cape Met as ’n opsie daarna.”
Spanwerk
De Kock het die stal se beskermhere bedank en gesê: “Ons is nederig oor die volgehoue ondersteuning van vooraanstaande eienaars. Dankie ook aan my spanne by Randjesfontein en Summerveld vir hul harde werk en toewyding deur die seisoen.
“My vrou Diane en Vivian Nkosi het menige kampioen uit hul werk opgelewer met elke seisoen se inkomende tweejariges, nie minder nie as die onlangse soos Gimme A Nother.
“David Dlamini en Vengi Masawi het die fort in Johannesburg gehou en Michael Nzilane het dieselfde gedoen in Natal. My seun Mathew het ‘n belangrike rol gespeel in die ontwikkeling van die vaardighede van hierdie span voordat hy na Australië verhuis het. Ek is bevoorreg om saam met so ’n talentvolle span te werk.”
Mathew de Kock en sy oefenmaat Robbie Griffiths het die afgelope seisoen ‘n top 10-posisie op die afrigterslog in Melbourne behaal.
Daar is bespiegel dat Mike de Kock by sy seun Down Under sou aansluit, maar die onlangse herlewing van die Suid-Afrikaanse renbedryf het natuurlik nuwe lewe aan die skitterende plaaslike loopbaan gegee.
