Die Benoni DBV doen ‘n beroep op die publiek om die bestuurder te skakel of te WhatsApp by 0722782004 met ‘n speld-valplek, tyd wat hy gesien is en indien moontlik ‘n foto ook.
’n Bobbejaanmannetjie is 27 Mei in die strate van Benoni opgemerk. Mense word aangeraai om wakker te wees en dit nie te nader nie.
Daar word berig dat dié bobbejaan op 24 Mei die eerste keer in Brakpan gesien is.
Volgens Jacques Cronje, bestuurder van Benoni DBV, is die bobbejaan vanoggend gesien op pad vanaf Northmead na Rynfield.
Cronje het gesê die bobbejaanmannetjie migreer glo na ‘n ander gebied.
“Ons werk hand-aan-hand met ons suster-DBV’s en wildlewespesialiste om sy roete te beplan om sy eindbestemming te probeer vasstel.
Solank as wat hy nie in ‘n hoek of op enige manier gedreig word nie, sal hy nie ‘n bedreiging vir jou wees nie.
