POTCHEFSTROOM – ‘n 43-jarige Letsoa Edwin Ramapepe sal na verwagting vandag weer in die Rustenburg-landdroshof verskyn op aanklagte van bedrog, vervalsing en uitlating, korrupsie en oortreding van die Immigrasiewet, 2002.
Die beskuldigde het aanvanklik op Woensdag, 20 Maart 2024 in die hof verskyn, nadat hy op Maandag, 18 Maart 2024 gearresteer is. Ramapepe is in hegtenis geneem ná ‘n operasie deur Provinsiale Kommersiële Misdaad wat saam met amptenare van die Departement van Binnelandse Sake gewerk het. Luidens berigte is inligting ontvang oor ‘n Lesotho-burger wat in besit was van ‘n bedrieglike Suid-Afrikaanse identiteitsdokument en gepoog het om die amptenare van die departement van binnelandse sake om te koop.
Inligting is geoperasionaliseer en die beskuldigde is tydens beknelling in Marikana gearresteer. Die bedrag in die vorm van kontant ter waarde van R19 800. 00 is teruggevind.
