Pietersburg – Die polisie in Noord-Transvaal ‘n 33-jarige man wat verdink word van ‘n poging om ‘n voertuig uit Suid-Afrika te smokkel ge-arresteer.
Op Maandag 25 Maart 2024 het lede van die Provinsiale Anti-Smokkel-taakspan in ‘n noukeurig gekoördineerde operasie ‘n Toyota Fortuner enkele kilometers in die rigting van Groblers Bridge-grenspos in Tomburke-polisiëringsgebied onderskep net toe die verdagte probeer het om na Botswana oor te steek.
Die vinnige optrede van die beamptes was gegrond op daadwerklike intelligensie wat aangedui het die betrokke voertuig is verlede week by Mall of Africa in Midrand, Gauteng as gesteel aangemeld, en die voertuig sou uiteindelik via die Plumtree-grenspos na Zimbabwe gesmokkel word.
Die verdagte staan tans tereg op aanklagte wat verband hou met die besit van vermoedelik gesteelde eiendom en sal op Dinsdag 26 Maart 2024 voor die Mokerong-landdroshof verskyn.
Die provinsiale kommissaris van Limpopo, luitenant-generaal Thembi Hadebe, het hierdie span lede geloof vir hul volgehoue waaksaamheid en pogings om voertuigdiefstal en smokkelary hok te slaan.
