VRYSTAAT – Die beskuldigde, Xolani Skhumbuzo Nkosingiphile Shange (30), het op 22 Maart 2024 voor die Bloemfonteinse landdroshof verskyn waar hy tereggestaan het op ‘n aanklag van bedrog. Hy is borgtog van R8 000 toegestaan en sy saak is tot 12 April 2024 uitgestel vir oorplasing na die Bloemfonteinse hooggeregshof.
Shange is Woensdag, 20 Maart 2024 in Durban deur die Valke se Ernstige Kommersiële Misdaad-ondersoek in Durban in hegtenis geneem. Daar word beweer dat Kelebogile Tlhatlosi (27) en Gotshawanetse Mmoniemang Adora (37) albei voormalige werknemers van Standard Bank gedurende November en Desember 2021 saam met Shange, Brian Odora (36), Ellen Mahlulo (46), Thokiso Marvin Mosikili ( 35), Sthembiso Gerald Hleza (32), Michael Sayers (53), Ashley Michael Youngman (35) en Boleba Albinis Lesale (35) toe hulle op bedrieglike wyse toegang tot bankrekeninge van drie kliënte van Standard Bank verkry het.
Verskeie oorplasings is uit die drie slagoffers se rekeninge gedoen sonder hul medewete. Gevolglik is Standard Bank benadeel en het ‘n totale verlies van meer as R26 miljoen gely. Die saak is by die Valke se ondersoekspan vir ernstige kommersiële misdaad in Bloemfontein aangemeld vir verdere ondersoek.
Die ander nege beskuldigdes is in Desember 2021, Oktober 2022 en Februarie 2023 gearresteer en is later borgtog van tussen R500 en R10 000 toegestaan. Hul saak duur steeds voort en hulle sal na verwagting van 08 Mei tot 27 Mei 2024 voor die Bloemfonteinse hooggeregshof verskyn.
