’n 39-jarige man is in hegtenis geneem en van veediefstal aangekla nadat die polisie Saterdag vier bokke gevind het wat in sy motor se kattebak ingeprop was.
Die ontdekking is gemaak tydens ‘n roetine-patrollie deur Glendale-polisie op die P104-pad binne die Glendale-polisiëringsgebied.
Volgens iLembe-polisiewoordvoerder, kaptein Alex Thomson, het beamptes agterdogtig geraak oor ‘n motor wat langs die pad geparkeer is.
By ondersoek het hulle die styfgebinde bokke binne die kattebak gevind.
Die man het versuim om ‘n geldige verduideliking te verskaf vir die vervoer van vee op so ‘n wyse en hy is gearresteer.
Daar is beslag gelê op die voertuig en die bokke is gered.
