Die African National Congress (ANC) se Thoko Didiza is aangewys as die Speaker van die Nasionale Vergadering met ‘n oorweldigende meerderheid van 284 stemme van die 341 stemme.
Die Economic Freedom Fighters (EFF) se Veronica Mente het 49 stemme gekry.
Daar was altesaam nege bedorwe stemme.
Hoofregter Raymond Zondo het vroeër ingestem tot ‘n versoek van die Economic Freedom Fighters (EFF) dat die tel van die stemme vir die verkiesing van die Speaker waargeneem word deur politieke partye wat in die Parlement verteenwoordig is. Die stemproses is deur middel van ‘n geheime stemming uitgevoer.
Hoofregter Zondo het alle partye gevra om een lid aan te wys om die telproses waar te neem.
Stemming vir die adjunk-Speaker is onderweg.
