Die Nasionale Seereddingsinstituut (NSRI) het ‘n beroep op die publiek langs die Tuinroete naby Kleinjongensfontein gedoen om nie aan ‘n verseëlde 200 kg blou houer wat aan wal gespoel het wat gevaarlike chemikalieë bevat, aan te raak nie.
Craig Lambinon, NSRI-woordvoerder, het gesê ‘n span van gevaarlike stowwe sal Saterdag op die toneel wees.
Hy het gesê daar sal dalk nog drie houers óf uitgespoel óf op see weggedryf word omdat sulke houers gewoonlik in groepe van vier gevind word.
Die publiek en bootvaarders word aangeraai om nie die houers te nader as hulle dit teëkom nie.
In plaas daarvan moet hulle dadelik die Tuinroete-ramprisikobestuur eenheid by 044 805 5071 of die Nasionale Ambulansdienste-lyn by 10177 in kennis stel.
