Dertien jaar sedert die ontstaan het die Suid-Afrikaanse nie-winsgewende organisasie Corruption Watch (CW) meer as 46 000 korrupsieklagtes ontvang.
Dit is onthul in hul 13de jaarlikse korrupsieverslag getiteld Accountable Together, wat op 27 Maart 2025 gepubliseer is.
In 2024 het CW 546 korrupsieklagtes ontvang, ‘n skerp afname van die 2 110 wat die vorige jaar aangeteken is.
CW het verduidelik dat die afname te wyte was aan ‘n tydelike herfokus van hulpbronne gedurende ‘n oorgangstydperk, wat gelei het tot ‘n pouse in die aktiewe werwing van nuwe klagtes destyds – nie ‘n afname in korrupsie nie.
Dit word gesien in Transparency International se 2024 Corruption Perceptions Index (CPI) wat toon dat Suid-Afrika sy laagste telling op die CPI sedert 2012 gehandhaaf het, en op 41 gebly het, dieselfde as verlede jaar.
As ons kyk na ‘n uiteensetting van die gevalle wat CW in 2024 aangeteken het, was die grootste aantal klagtes wat ontvang is wanadministrasie (34%), bedrog (21%), werksonreëlmatighede (16%), omkopery of afpersing (15%), en verkrygingsonreëlmatighede (13%).
Wat subsektore betref, het korrupsiekwessies in die polisiëringssektor die grootste deel van die klagtes wat ontvang is, teen 13%, uitgemaak.
Die sakesektor het nou gevolg met 12% van die verslae, terwyl basiese onderwys 11% bygedra het, en staatsbeheerde entiteite 7% van die klagtes uitgemaak het.
“Hierdie syfers vertel ‘n storie van die regering se ontoereikendheid om uitdagings in polisiëring, veiligheid en sekuriteit; toegang tot onderwys; en ‘n reeks regte en dienste wat bedoel is om mense se lewens te verbeter, die hoof te bied,” het CW gesê.
“Hulle beklemtoon ook die bydrae van sake tot Suid-Afrika se vlakke van korrupsie en die gebrek aan aptyt om die impak daarvan aan te spreek,” het die groep bygevoeg.
Korrupsie op plaaslike regeringsvlak het weereens as ‘n beduidende tendens na vore gekom.
Die metropolitaanse munisipaliteite van Johannesburg, Tshwane, Kaapstad, eThekwini en Ekurhuleni het die hoogste aantal korrupsievoorvalle aangemeld, wat gesamentlik 51% van alle aangemelde gevalle uitmaak.
Die land se ekonomiese spilpunt, Gauteng is weer eens verantwoordelik vir die hoogste aantal aanmeldings in die land, met 45% van klagtes.
Dit word gevolg deur Natal met 11%, die Wes-Kaap met 9% en die Oos-Kaap met 8%.
CW het gesê dat terwyl die land ‘n groot politieke verskuiwing navigeer wat deur die regering van nasionale eenheid (RNU) verteenwoordig word, “dit nou aan die hele land val om hierdie geleentheid aan te gryp om saam te werk sodat almal kan floreer.”
“Dit is ons verantwoordelikheid om ons bes te doen om die agteruitgang in ons morele standaarde teen te werk.”
“Dit was ook nog nooit belangriker vir elkeen van ons om verantwoording te eis nie net van die RNU nie … maar ook van mekaar vir ons eie standpunte in die bekamping van korrupsie, en vir ons pogings om die morele, ekonomiese en fisiese agteruitgang wat regoor die land sigbaar is, teen te werk,” het CW bygevoeg.
CW dring daarop aan dat sy ondersteuners, vennote, skenkers en befondsers saam aanspreeklikheid aanvaar, met die doel om die kwynende Suid-Afrika se globale aansien te herstel, sê CW-voorsitter prof. Themba Maseko.
Business Tech
| Province | Top Corruption Subtypes |
|---|---|
| Gauteng | Fraud (25%), Maladministration (14%), Bribery/Extortion (14%), Dereliction of duty (13%), Misappropriation of resources (9%) |
| Eastern Cape | Fraud (21%), Employment irregularities (19%), Misappropriation of resources (19%), Dereliction of duty (14%), Abuse of power (9%) |
| Free State | Dereliction of duty (18%), Fraud (18%), Misappropriation of resources (18%), Employment irregularities (15%), Maladministration (12%) |
| Northern Cape | Dereliction of duty (63%), Bribery/Extortion (13%), Fraud (13%), Maladministration (11%) |
| North West | Dereliction of duty (19%), Employment irregularities (19%), Fraud (17%), Procurement irregularities (14%), Abuse of power (12%) |
| Western Cape | Fraud (35%), Dereliction of duty (18%), Abuse of power (17%), Maladministration (8%), Bribery/Extortion (6%) |
| KwaZulu-Natal | Dereliction of duty (20%), Fraud (18%), Maladministration (15%), Abuse of power (10%), Procurement irregularities (10%) |
| Mpumalanga | Fraud (18%), Misappropriation of resources (18%), Abuse of power (15%), Maladministration (15%), Dereliction of duty (12%) |
| Limpopo | Maladministration (34%), Fraud (17%), Misappropriation of resources (11%), Dereliction of duty (9%), Abuse of power (5%) |
