‘n Gesamentlike operasie tussen Thabazimbi Suid-Afrikaanse Polisiediens (Sapd) en Koedoeskop-boere het gelei tot die arrestasie van twee Zimbabwiese burgers en die beslaglegging op dagga ter waarde van ongeveer R500 000.
Die intelligensie-geleide operasie is Donderdag omstreeks 10:00 in die Koedoeskop-omgewing uitgevoer, volgens kolonel Malesela Ledwaba, polisiewoordvoerder.
Ledwaba het gesê die polisie het inligting oor die verdagtes se verblyf ontvang en dadelik daarna opgetree, wat gelei het tot hul arrestasie.
Volgens berigte is die verdagtes onderskep terwyl hulle in ‘n vragmotor met twee sleepwaens gery het.
“Toe hy dit nader, is die bestuurder van die voertuig saam met ‘n vroulike passasier voorgekeer en voertuig deursoek.
“Hulle het die sleepwaens gevind met 106× klein sakkies dagga, 10× groot sakke dagga en 02× vullissakke los dagga,” het Ledwaba verduidelik.
Hy het bygevoeg dat die dagga ongeveer 148,5 kg geweeg het, met ‘n geraamde waarde van R500 000.
Daar is ook tydens die operasie beslag gelê op ’n Wit Scania-vragmotor met twee sleepwaens wat deur die verdagtes gebruik is.
Die provinsiale polisiekommissaris in Limpopo, luitenant-generaal Thembi Hadebe, het die arrestasie en die herwinning van die dagga verwelkom.
Die twee manlike verdagtes, onderskeidelik 25 en 39 jaar oud, sal binnekort in die plaaslike landdroshof verskyn op aanklagte van besit en handel in dagga.
Ledwaba het bevestig dat polisieondersoeke voortduur.
