Die polisie in Natal het ‘n 38-jarige verdagte in hegtenis geneem in verband met die dood van vier mense, insluitend twee senior polisiebeamptes wat Saterdagaand ‘n moordtoneel by ‘n nagwaak in Cliffdale, Hammarsdale, bygewoon het.
Een van die oorlede beamptes was blykbaar die Hammarsdale-stasiebevelvoerder, en die ander ‘n speurbevelvoerder wat op die misdaadtoneel aangewys is.
’n Derde beampte wat ook die toneel bygewoon het, is ongedeerd.
Natalse polisiewoordvoerder, brigadier Jay Naicker, het gesê die drie beamptes het op ‘n oproep gereageer en was op ‘n moordtoneel toe hulle onder skoot gekom het.
“Terwyl hulle die oorspronklike misdaadtoneel opgepas het, word beweer dat die oortreder teruggekeer en op die polisiebeamptes losgebrand het en twee van hulle noodlottig gewond het.
“Daar word verder beweer dat die verdagte toe nog ‘n bejaarde vrou op die toneel geskiet het voordat hy gevlug het,” sê Naicker.
Volgens onbevestigde berigte was die stasiebevelvoerder van Hammersdale en die speurbevelvoerder besig was om die toneel net ná 19:30 te verwerk toe die voorval plaasgevind het.
‘n Lid van die familie het toe glo ‘n persoon wat ‘n chirurgiese gesigsmasker dra en oorkant die tent staan, as die verdagte uitgewys.
Die speurbevelvoerder het sy vuurwapen getrek, maar die verdagte het met ‘n rewolwer na hom gehardloop. Die beampte het teruggeskiet, maar is noodlottig gewond.
Die stasiebevelvoerder het toe probeer ruteuning aan sy mede-offisier te verleen, maar is ook noodlottig deur die verdagte geskiet.
Die twee oorlede polisiebeamptes was albei in hul vyftigs.
Die polisie het alle beskikbare SAPD-hulpbronne gemobiliseer om die verdagte op te spoor, wat toe na die St Mary’s-hospitaal opgespoor is.
Naicker het gesê: “Die span het inligting ontvang van ‘n man wat pas by die beskrywing van die verdagte wat mediese aandag by ‘n nabygeleë hospitaal ontvang. Polisiebeamptes het vinnig gereageer en die verdagte in hegtenis geneem hangende verdere ondersoek.”
Garrith Jamieson, woordvoerder van ALS Paramedics, wat op die noodroep gereageer het, het gesê die polisie het hul span na die aktiewe misdaadtoneel begelei.
Jamieson het gesê hulle is na ‘n tent geneem waar daar glo ‘n begrafnis plaasgevind het toe die skietery plaasgevind het.
“Paramedici is geneem waar drie mense rondom die tent gevind is. Twee mans wat lede van die Suid-Afrikaanse Polisiediens was het skietwonde opgedoen, en ongelukkig was daar niks wat paramedici vir hulle kon doen nie.
“Hulle is op die toneel dood verklaar,” het Jamieson gesê.
Hy het gesê die twee oorlede vroue – vermoedelik ‘n ma en dogter – is ook met skietwonde gevind en dood verklaar.
Provinsiale polisiekommissaris, luitenant-generaal Nhlanhla Mkhwanazi, het die gevoellose moorde op vier mense veroordeel. “Dit is inderdaad baie hartseer om tonele van misdade by te woon waar polisiebeamptes doodgeskiet word net omdat hulle gereageer het op die oproep van diens.”
“Die vinnige arrestasie van ‘n verdagte in hierdie saak word geprys. Ek wil graag my meegevoel betuig met die families van ons gevalle helde,” het hy gesê.
