Die Valke in Gauteng het Maandag toegeslaan en die uitvoerende hoof van United Aviation Group, Jonathan Wolpe, ‘n bekende op die private lugvaarttoneel wat ‘n slegte reputasie verwerf het omdat hy nie sy skuld nagekom het nie, toegeslaan en gearresteer.
Die Valke het die Suid-Afrikaanse Lugvaart-sakeman, Jonathan Wolpe, in hegtenis geneem wat die DRK-regering uit miljoene rande bedrieg het.
In Julie het EWN eksklusief berig oor hoe Wolpe gekontrakteer is om te help met die DRK se presidensiële verkiesings in Desember deur private helikopters te verskaf om afgevaardigdes regoor die land te vlieg.
Sy twyfelagtige transaksies het meegebring dat twee SA vlieëniers, wat deur hom gekontrakteer is, verlede jaar weke lank teen hul wil in die land aangehou is.
Ten spyte van die ontvangs van die fondse – $60 000, het Wolpe versuim om die ooreengekome dienste te verskaf en eerder die geld vir persoonlike gebruik wanbestee.
Lloyd Ramovha, woordvoerder van die Valke, het gesê Wolpe is saam met sy maatskappy vir bedrog aangekla.
“Op hierdie bedrieglike aktiwiteit het daartoe gelei dat die klaer ‘n finansiële verlies van R9 000 000 gely het.
“Ons het Maandag die direkteur van United Chartered Flight Services gearresteer, dit is ten opsigte van bedrog van meer as R9 miljoen.”
Wolpe sal Woensdag in die Johannesburgse gespesialiseerde handelsmisdaadhof in Palm Ridge verskyn vir ‘n formele borgtogaansoek.
