Bangladesh se parlement is ontbind, ‘n dag nadat die jarelange premier Sheikh Hasina bedank en uit die land gevlug het ná weke van dodelike onrus.
Organiseerders van studente-geleide betogings het weermagamptenare ontmoet en daarop aangedring dat hulle nie ‘n militêre geleide regering sal aanvaar nie.
Betogers sê Muhammad Yunus, Nobelpryswenner vir Vrede, moet aan die hoof van die tussentydse regering staan.
’n Woordvoerder van die party van voormalige premier Khaleda Zia het aan AFP gesê die opposisieleier is ná jare van huisarres vrygelaat.
