Mediaverklaring Suid-Afrikaanse Polisiediens 2024/07/07
Kantoor van die Provinsiale Kommissaris Vrystaat
VRYSTAAT – Ladybrand. – Volgens berigte het die slagoffer se vrou kontak probeer maak met haar man op die plaas. Sy was uitstedig toe die voorval plaas gevind het. Dit het op Saterdag 6 Julie 2024 omstreeks 17h00 gebeur. Sy het haar man verskeie kere probeer kontak. Sy kon hom nie aan die hande kry nie. Sy het ‘n vriendin gebel om ondersoek in te stel.
Omstreeks 23:00 is die polisie in kennis gestel en die landelike veiligheidskoördineerder het plaaslike boere geaktiveer.
Ladybrand Plaasaanval opdatering: Nog drie verdagtes van plaasaanval vasgetrek
Met aankoms op die plaas is die bejaarde vrou wat op die plaas werk gevind, maar die boer is reeds deur ‘n familievriend na ‘n plaaslike dokter geneem.
Volgens berigte het drie verdagtes met klapmusse en handskoene en gewapen met ‘n vuurwapen die vrou op die plaashuis gevind, haar met ‘n vuurwapen gedreig en in die huis in gedwing het.
Hulle het die boer in die badkamer gekry en hom met ‘n vuurwapen gedryg en geld geëis. Die verdagtes het na bewering twee kluise deursoek, maar niks gevind nie, nie eers geld nie. Hulle het dadelik ander waardevolle items, insluitend die selfoon van die boer, gevat en die toneel verlaat met sy Audi-sedanvoertuig met ‘n Vrystaatse registrasie nommerplaat.
Die aanvallers het klapmusse gedra
7 Julie 2024 omstreeks 04:20 het die span van die Ladybrand-misdaadvoorkomingseenheid die gesteelde voertuig in Ladybrand opgemerk en die verdagtes agternagesit. Tydens die jaagtog het die voertuig in een van die strate in die dorp omgeslaan, en twee verdagtes is in hegtenis geneem terwyl die derde van die toneel gevlug het.
Die twee aanvallers, onderskeidelik 21 en 28 jaar oud, sal na verwagting Maandag, 8 Julie 2024 in die Ladybrand-landdroshof verskyn op aanklag van huisroof.
One thought on “PLAASAANVAL – Ladybrand – Boer gemartel”