Politieke partye in SA se ekonomiese hartland is onder druk om ‘n provinsiale regering saam te stel. Met die oog op die opkomende eerste sitting van die Sentraal-Transvaalse wetgewer blyk daar egter nog geen klinklare ooreenkoms tussen die hoofrolspelers te wees nie.
Politieke partye in Sentraal-Transvaal het tot Vrydagoggend, 13 Junie 2024, om ‘n regering saam te stel, maar dit lyk asof onderhandelings om alliansies te vorm teen ‘n slakkepas vorder op beide nasionale en provinsiale vlakke.
Die parlement moet ‘n Speaker, adjunk-speaker en president Vrydag verkies en die Gautengse wetgewer moet ook op dieselfde dag hul volgende Speaker en premier verkies. Dit is volgens die riglyne wat deur die Gautengse Regter-president, Dunstan Mlambo neergelê is.
Dinsdag, 11 Junie 2024, is verskeie vergaderings agter geslote deure gehou. Die ANC, IFP en PA het aangedui dat hulle die verkiesing van Premier Panyaza Lesufi ondersteun om Gauteng te lei. Die MK party het nie hul steun aan Lesufi verleen nie.
Die ANC het in hierdie provinsie slegs 34% van die stemme ontvang wat ‘n sterk afname is van die 50% wat hulle behaal het in 2019.
Die ANC het 28 setels in die 80-setel wetgewer gewen op 29 Mei 2024, die DA 22 setels, EFF 11 setels en MK 8 setels.
(Bron: Daily Maverick)
