Die Valke in die Oos-Kaap soek 20 verdagtes wat betrokke was by ‘n transitorooftog tussen Butterworth en Oos-Londen.
Provinsiale Valke-woordvoerder, Yolisa Mgolodela, sê ‘n G4S-sekuriteitspantservoertuig het geld vervoer toe verdagtes in drie wit bakkies skote daarop afgevuur het totdat die bestuurder beheer oor die voertuig verloor en op sy dak beland het.
Sy sê drie wagte is van hul vuurwapens beroof. Mgolodela sê die verdagtes staan tereg op sewe aanklagte van poging tot moord en gewapende roof.
“Terwyl die verdagtes besig was om ‘n onbekende bedrag geld in te samel, het ‘n polisievoertuig op die scenario afgekom waar hulle met ‘n koeëlreën van die verdagtes getref is. ’n Skietgeveg het tussen die polisie en die verdagtes ontstaan waar een lid gewond is. Die verdagtes het met die drie Toyota-bakkies van die toneel ontsnap. Die drie veiligheidswagte en die beseerde lid is in ‘n stabiele toestand hospitaal toe geneem. Die Valke doen ’n beroep op die publiek om na vore te kom met enige inligting wat tot die arrestasie kan lei.”
SAUK Nuus
