Johannesburg – Sentraal-Transvaal – Paniekbevange Johannesburgse motoriste is Dinsdag tydens spitstyd verkeer met vuurwapens beroof by die Crown-wisselaar in die middestad.
Agt vermeende onwettige mynwerkers is in hegtenis geneem in verband met rooftogte wat bestuurders op die M1-hoofweg geteiken het.
Na verneem word, is die geweer swaaiende zama-zama’s geboei ná ‘n skietgeveg met Johannesburg Metropolitaanse Polisie in Germiston.
“Die verdagtes het op die Polisie begin skiet en die beamptes het teruggeskiet. Die beamptes het gesien hoe ‘n verdagte op die grond val en versterkings is ontbied.
Die Stad Johannesburg is weereens herinner aan die plaag en gevare van onwettige mynbouers nadat ’n onbekende aantal gewapende mans van motor tot motor gegaan het en na bewering motoriste van hul besittings beroof het.
Benoude motoriste het kommerwekkende boodskappe gedeel terwyl hulle in die verkeer vas was en aan die genade van die misdadigers oorgelewer is. “Stuur asseblief noodvoertuie, mense word geterroriseer in hul motors”.
JMPD se Xolani Fihla het gesê die taktiese reaksie-eenheid het die verdagtes naby Main Reef weg en Shamrock straat in Primrose, waar die skietgeveg plaasgevind het, toegesluit.
“Toe die versterkings van SAPD Primrose, die vlieënde span en die lugvleuel opgedaag het, het die beamptes die oop veldgebied binnegegaan waar hulle een man op die grond aangetref het met ‘n wond en ‘n vuurwapen langs hom. ‘n Verdere sewe verdagtes is deur die beamptes vasgetrek.”
“Al die gearresteerde verdagtes, wat Suid-Afrikaanse en Lesotho-burgers is, is by die Primrose-polisiestasie aangehou en word aangekla van poging tot moord, die besit van ongelisensieerde vuurwapens en onwettige mynbou.”
