Die provinsiale polisiekommissaris, luitenant-generaal Tommy Mthombeni, spreek die media op die misdaadtoneel toe.
Vier gewapende rowers is in ‘n skietgeveg met die polisie dood.
Na verneem word, het die skietgeveg Saterdag by die R59 in Alberton plaasgevind.
Polisiewoordvoerder, kolonel Mavela Masondo, het gesê provinsiale polisiekommissaris, luitenant-generaal Tommy Mthombeni, het die media op die misdaadtoneel toegespreek.
Mthombeni het gesê die verdagtes was op pad om ‘n sakeroof in die omgewing te pleeg en is tydens ‘n konfrontasie met die polisie vermoor.
“Die verdagtes was op die punt om besighede hier in die omgewing te beroof. Soos die polisie agtervolg en probeer het om hulle te keer. Toe hulle probeer het om hulle te keer, het hulle op die polisie begin skiet. Die polisie het teruggekap en tydens dié proses is vier verdagtes op die toneel dood.”
Mthombeni het gesê die polisie fynkam die toneel terwyl ondersoeke voortduur.
Vroeër die week is sewe verdagtes deur die polisie en private sekuriteit in hegtenis geneem kort nadat hulle ‘n juwelierswinkel in Clearwater Mall, Roodepoort, beroof het.
Die skietgevegte kom ‘n dag nadat twee verdagtes wat vir moord, poging tot moord en roof gesoek is, dood is in ‘n skietgeveg met die polisie in KwaZulu-Natal (KZN).
