’n Ondersoek sal van stapel gestuur word om die oorsaak van die brand vas te stel.
Geen beserings is aangemeld nadat ‘n brand by die departement van korrektiewe dienste (DKD) se hoofkantoor in Pretoria uitgebreek het nie.
Die departement van korrektiewe dienste het bevestig dat die brand Sondag in die vroeë oggendure in die Wesvleuelblok van sy hoofkantoor, die Poyntonsgebou, ontstaan het.
“Die Stad Tshwane-nooddienste het dadelik gereageer en die brand is sedertdien ten volle geblus. ’n Ondersoek sal van stapel gestuur word om die oorsaak van die brand vas te stel.
“DKD kan bevestig dat geen beserings aangemeld is nie, en al die personeel wat in die gebou teenwoordig is, is veilig verantwoord. Die veiligheid van ons werknemers en die sekuriteit van ons fasiliteite bly ‘n topprioriteit. Verdere opdaterings sal verskaf word soos meer inligting beskikbaar word,” het Nxumalo gesê.
