PRETORIA – ‘n Intelligensie-gedrewe operasie onder leiding van die Suid-Afrikaanse Polisiediens en Spesiale Taakmag (STF)-eenheid het ‘n Portugese sakeman uit die Nancefield-koshuis in Soweto gered waar hy gevange gehou is.
Die man wat ‘n Waltloo-slaghuis in Johannesburg besit, is verlede week in South Gate ontvoer. Hy is met sy familie herenig.
Die man is vir ‘n losprysbetaling ontvoer, maar geen betaling is gemaak nie as gevolg van die vinnige optrede van die polisie.
Sodra die saak onder die aandag van die SAPD gebring is, is ‘n span saamgestel en die span het 24 uur per dag gewerk om die slagoffer lewendig op te spoor.
’n Reddingsoperasie is Donderdagmiddag (4 Julie 2024) uitgevoer waar twee verdagtes wat vermoedelik die bestuurders van die wegkomvoertuie was, in hegtenis geneem is.
Omstreeks 22:30 Donderdagaand het die span op die Nancefield Hostel in Soweto toegesak waar die sakeman vasgebind en onder bewaking gevind is.
Nog een verdagte is by die koshuis in hegtenis geneem en verdere inligting het die span na ‘n huis in White City Soweto gelei waar twee ander verdagtes gevind is. Die slagoffer se bankkaarte en beursie is in hul besit gevind.
Vroeër die week is nog ‘n Portugese sakeman uit ‘n huis in Soweto gered. Hy is ook buite sy besigheidsperseel ontvoer.
Die Nasionale Kommissaris van die SAPD, Generaal Fannie Masemola het lede van die SAPD geluk gewens omdat hulle goed gekoördineerde reddingsoperasies verseker het wat sal verseker dat slagoffers se lewens nie in gevaar gestel word nie en hulle lewendig gevind word.
“Ons toegewyde spanne bly meedoënloos in hul strewe om te verseker dat hulle slagoffers red. Van Januarie tot op hede is 13 sakemanne en minstens ses studente gered sonder dat die losprys betaal is. Dit is as gevolg van die kundigheid en vermoëns van ons spanne. In die afgelope twee jaar is meer as 200 ontvoerders gearresteer en dit is alles te danke aan die toewyding van ons toegewyde spanne,” het genl Masemola gesê.
In ‘n tydperk van ses maande is meer as 54 ontvoerders in Transvaal, Wes-Transvaal, Oos-Transvaal en Vrystaat in hegtenis geneem.
Ander eenhede wat by hierdie operasie betrokke is, sluit in Private Sekuriteit, Speurders, Openbare Orde Polisie en die Pretoria Lugeenheid.
