Boere in die Vrystaat doen ‘n beroep op die regering om die huidige droogte tot ‘n ramp te verklaar, met die hoop op ‘n soort verligting om hul verliese weens die droë seisoen te versag.
Die boeregemeenskap meen die drastiese impak van die droogte kan voedselsekerheid bedreig. Gegewe die hoë pryse van kommoditeite, vrees boere dat die voortslepende droogte net tot meer prysstygings sal lei.
Sommige vrees dat hulle dalk nie eers ‘n kwart van wat hulle belê het, kan kry nie.
Vrystaatse departement van landbou en landelike ontwikkeling, Zimasa Leputla sê, “Die Vrystaatse departement van landbou en landelike ontwikkeling is bewus van die huidige droogte wat boere raak. Die departement het met verskeie landbou-unies vergader en is steeds besig met sommige wat die boere verteenwoordig wat geraak is. Daarna sal die departement ook sy eie assessering doen en kan vasstel watter soort verliese die boere gely het. Sodra dit afgehandel is, sal die departement dan kan sien hoe hy hierdie boere gaan bystaan.”
Die opbrengs is benadeel deur die hitte en gebrek aan besproeiing.
Boere sê die verlies is groot.
“Dit beteken nou dat al hierdie uitgawes wat ons hier gebruik of gekos het, ons dit sal moet terugbetaal aan die persoon wat ons gehelp het om die grond te aktiveer om te plant. Waar sal die geld vandaan kom? Ons weet nie,” kla een boer.
“Ons het ’n sekere teiken wat ons per opbrengs moet bereik sodat jy voorsiening gemaak het vir jou insetkoste, sowel as jou wins daaruit. So, hoe hierdie droogte ons geraak het, is dat die insette nie regtig in prys gedaal het nie. Dus, ‘n mens moet dan ‘n hoër opbrengs kry om vir daardie koste voorsiening te maak. Maar met die droogte wat die sak erg geknou het deurdat ons die omset gaan kry wat ons verwag het om uit hierdie gewasse te kry,” sê nog ‘n boer.
