’n SAUK-werknemer se ontwrigting van ‘n FlySafair feestyd het versuur nadat sy na bewering rassistiese opmerkings gemaak het.
In verskeie video’s wat op sosiale media versprei is, word die vrou gesien in ‘n hewige onderonsie met vlugkelners wat haar probeer kalmeer. Die onderonsie het plaasgevind nadat die reeds onder die invloed van drank, Nobs Mkhize, nie nog alkohol kon verky nie.
In een van die video’s wat wyd versprei word, word gehoor hoe sy na bewering rassistiese opmerkings teen die bruin gemeenskap maak.
“Jy is ‘n kleurling van Mitchells Plain, al hierdie goue ringe, maar geen graad nie. Op die oomblik as ons land, gaan ek ‘n Uber huis toe neem. Jy het nie eens ‘n bestuurslisensie nie. Jy het nie eens ’n kar nie.”
Die vrou het glo ook gedreig om die lugredery-werknemers te laat ontslaan en die voorval op SAUK-nuuskanale uitgesaai te word.
Die SAUK het Saterdag ‘n verklaring uitgereik waarin hy erken dat die vrou ‘n werknemer is en haar optrede veroordeel.
“Die Suid-Afrikaanse Uitsaaikorporasie het met kommer kennis geneem van oudiovisuele materiaal wat op verskeie sosiale media-platforms sirkuleer met ’n personeellid wat op ’n Suid-Afrikaanse lugredery reis.”
Die SAUK het hom van haar uitlatings gedistansieer, aangesien dit die organisasie se redaksionele integriteit kan benadeel.
“In die videogreep noem dié personeellid die SAUK en meld dat dié voorval op SABC Nuus uitgesaai sal word. Ons wil graag herhaal dat SABC Nuus deur die redaksionele kode gelei word en sy redaksionele onafhanklikheid handhaaf, en die besluite wat betrekking het op alle nuusitems word in die nuuskamer geneem en nie deur nie-redaksielede beïnvloed nie.”
Die openbare uitsaaier het gesê hy wil “die relevante kanale in ooreenstemming met sy interne prosedures gebruik om die personeellid te betrek”.
FlySafair het bevestig dat die vrou wat vasgevang is in ‘n virale verbale en fisieke onderonsie met personeel, nie in die toekoms op enige van hul vliegtuie teogelaat sal word nie.
“Hierdie passasier sal op ons nie-vlieglys geplaas word en sal nie welkom wees op toekomstige FlySafair-vlugte nie,” het FlySafair se bemarkingshoof, Kirby Gordon, gereageer op ‘n medianavraag wat deur IOL gestel is.
