Die Nongoma-streekhof het ‘n 15-jarige seun tot 43 jaar tronkstraf gevonnis nadat hy skuldig bevind is aan die moord op ‘n skoolhoof, diefstal van ‘n vuurwapen, die onwettige besit van vuurwapens en ammunisie, en roof met verswarende omstandighede. Die vonnis is op 21 November 2024 opgelê.
Op Saterdag, 22 April 2023, het die tiener die skolhoof, Alpheus Mphumuzeni Ntuli, wat toe 61-jaar oud was, beroof en vermoor. Ntuli, wat ‘n skoolhoof by die Hoërskool Bhekintinta in Nongoma was, is op daardie dag as vermis aangemeld. Toe die polisie na ‘n polisiestasie gery het vanaf Bhanganoma-kothuise waar Ntuli gewoon het, het hulle gesien hoe sy voertuig langs Mkhuzeweg ry. Toe hulle naderkom, het die verdagte weggejaag, maar later die voertuig verlaat en te voet gevlug. ’n Bietjie later is Ntuli se lyk gevind naby ’n rivieroewer onder ’n brug by Odwaleni-omgewing gestort. Sy liggaam is gevind met oop wonde aan die kop en kneusplekke oor die hele liggaam.
Die polisie het die verdagte opgespoor by sy blyplek by kwaSnqandi in Toyisa-omgewing waar hy gevind is in besit van ‘n vuurwapen en ammunisie wat hy by sy oupa gesteel het. Die tiener is gearresteer en het verskeie hofverskynings gemaak voordat hy skuldig gepleit het op alle aanklagte, wat tot sy vonnis gelei het.
