Neem dit werklik toe of word hierdie misdade nou net meer gerapporteer? “Sommige van die verkragtings is statutêr…” Ouers moenie onderwysers beskerm wat hul kinders verkrag nie.”
Kenners het ‘n beroep gedoen op meer optrede van departemente van onderwys, maatskaplike ontwikkeling en ouers teen verkragting by onderwysinstellings, aangesien die jongste misdaadstatistieke toon dat die aantal sake in die sektor toeneem.
Hierdie beroep van kenners gaan egter nie die probleem aanspreek as die Onderwysdepartemente nie daadwerklik aandag gee aan dié misdaad wat teen kinders gepleeg word nie. Enigeen onder wie se aandag hierdie tipe misdaad kom, is wetlik verplig om dit te rapporteer. Dit is waar die Onderwysdepartement skandelik faal.
“Die departement van basiese onderwys en die departement van maatskaplike ontwikkeling moet met leerlinge saamwerk om hul bekommernisse aan te spreek. Sake moet aangemeld word sodat die slagoffers geregtigheid kan kry.
“Die provinsiale departement van onderwys en die skoolbeheerliggaam amptenare moet hul rol speel en bewustheid skep oor hoe leerlinge seksuele misbruik kan aanmeld. So moet die regering en ander belanghebbendes ook.”
Statistieke vir die tweede kwartaal van die boekjaar 2024-’25 wat Maandag vrygestel is, toon dat 190 gevalle van verkragting tussen Julie en September by instellings aangemeld is, insluitend dagsorgsentrums en spesiale skole.
Van die 200 verkragtingsake is 90 van laer- en hoërskole aangemeld, terwyl 15 by tersiêre instellings, agt by dagsorgsentrums, twee by gespesialiseerde skole was.
Nasionaal is 10 191 verkragtings tussen Oktober verlede jaar en September vanjaar aangemeld, af van 10 516 die vorige jaar.
Equal Education-navorser Stacy Solomon het gesê die statistieke is dalk nie ‘n ware weerspieëling van die situasie nie, aangesien baie gevalle nie aangemeld is nie.
Solomon het die regering se poging erken, maar gesê skoolbestuur moet opgelei word oor hoe om skoolveiligheidsingrypings te implementeer.
Nog ‘n kenner, Hendrick Makaneta, het gesê die syfers toon dat daar ‘n mislukking is om leerlinge te beskerm, en bygevoeg dat die aangemelde gevalle ‘n behoefte aan verandering in die onderwysstelsel toon.
“Wetstoepassing alleen sal nie die stryd kan wen nie, daarom vereis ons ‘n veelvlakkige benadering. Skole moet sterker kinderbeskermingsbeleide afdwing.”
“Ons het ook die aktiewe betrokkenheid van ouers nodig, want onderwys is ’n driehoek wat samewerking tussen ouers, leerlinge en onderwysers vereis.”
Makaneta het gesê onderwysers moet verstaan dat hulle in die afwesigheid van ouers ouers word en dus ‘n plig het om leerlinge teen sekspredatore binne die skoolomgewing te beskerm.
Ongelukkig is van die predatore in senior posisies aangestel by skole en leerlinge en ‘n onderwyser wat vetrou word deur die kind deur magteloosheid gekortwiek.
“Terwyl ons kennis neem van die groot werk wat deur die Onderwys Arbeidsverhoudingeraad gedoen word, moet ons ook daarop let dat daar steeds onderwysers is wat met so ‘n misdaad wegkom weens samespanning met ouers, wat omkopery aanvaar.”
Matakanye Matakanye, sekretaris-generaal van die Nasionale Vereniging van Skoolbeheerliggame, het gesê: “Dit is ontmoedigend, onaanvaarbaar en ‘n skande dat verkragtingsake in die skool voortduur. Hierdie statistieke dui daarop dat die toekoms van leerlinge vernietig word.”
Kenners en dié wat hierdie tipe misdaad werklik ernstig opneem, behoort nie toe te laat dat gevalle wat wel gerapporteer word, onder die mat gevee word ter wille van die “status” van die geimpliseerde onderwyser nie.
