Mans moet so erg aangerand word dat hulle in die hospitaal beland waar hulle vir hul beserings moet rekenskap gee voordat hulle sal erken dat hulle slagoffers van geslagsgebaseerde geweld is.
Kapt. Johan van Dyk, woordvoerder van die Suid-Afrikaanse Polisiediens in Pretoria, het op 2 Desember 2024 tydens MISA se webinarsessie verduidelik dat die stigma wat mans in die samelewing ondervind, oor die feit dat hulle slagoffers van geslagsgeweld is, so gedien is dat hy geen statistieke vir die laaste ses maande terwyl hy sy voorbereiding gedoen het kon vind nie.
Hy het gevind dat mans meer voorkomend opgetree het. Daar was meer as 300 gevalle waar mans hul vuurwapens vrywillig by die polisie ingedien het vir veilige bewaring by Pretoria se 36 polisiestasies.
MISA, die Motor Industry Staff Association, wat meer as 69 000 lede in die kleinhandelmotorbedryf verteenwoordig, bied ‘n webinarreeks oor geslagsgebaseerde geweldonderwerpe aan as deel van die Unie se jaarlikse 16-dae van aktivisme teen geslagsgebaseerde geweld en Vrouemoordveldtog.
Die Unie se tema vanjaar is geslagsgegronde-geweld eindig by ons en om dit te illustreer, vertoon MISA die spogfliek It Ends with US, landwyd aan geselekteerde gehore.
Van Dyk sê hoewel hy geensins die erns van geslagsgebaseerde geweld en vrouemoord in Suid-Afrika teenoor vroue en kinders nie afmaak nie, moet bewustheid verhoog word dat hulle nie die enigste slagoffers is nie.
“Vroue kan ook misbruikers wees, insluitend fisieke, verbale, emosionele of finansiële mishandeling. Nie die Grondwet, Teisteringswet of die Wet op Gesinsgeweld verwys na die geslag van die misbruiker nie.”
“Maar die realiteit is dat as ‘n man ‘n veilige huis vir hom en sy kinders nodig het, is daar nie een nie. Die stelsel maak nie voorsiening vir ’n pa wat dalk in die middel van die nag sy huis met sy kinders moet verlaat nie.”
Van Dyk moes een keer ingryp in ‘n saak waar polisiebeamptes gelag het vir ‘n man wat ‘n saak wou open omdat sy vrou hom geklap het.
“Dit is reeds ‘n groot verleentheid vir ‘n man om na vore te kom. Die vroulike mishandelaar kry dikwels ‘n tussentydse beskermingsbevel teen die man. Die feit dat hy die een is wat mishandel word, sal eers onder die aandag van die hof kom waar hy gedwing is om stemopnames en video’s te speel van die dreigende gedrag van die vrou wat hom mishandel het.
“Daarom is die polisie opgelei om beide partye onpartydig en sonder enige vooroordeel te behandel.”
Van Dyk pleit vir meer bewusmakingsveldtogte en ondersteuningsgroepe vir mans.
Uitgereik deur Sonja Carstens, Bestuurder van MISA se Media & Kommunikasie-afdeling, namens die Unie. #PROUDLYMISA #MISALEADS #MISACARES #MISAONTHEMOVE #MISAFAMILY #16DaysofActivism #EndGBVTogether
Dankie aan Colleen Strauss, Sosiale Werkster wat die uittreksel op FB geplaas het.
Kaptein Johan van Dyk wat MISA se webinar toegespreek het
